作為死亡之卷嘅中文卷,相信都係唔少同學擔心嘅一份卷。而作為作文卷,好多同學都會擔心自己文筆唔夠好攞唔到高分,但其實唔一定要文筆超好嘅同學先可以攞高分㗎喎!其實中文作文卷都有唔同嘅寫作技巧嘅。今日就等 Tutor Panda 小編為大家分享下中文作文卷嘅寫作技巧啦!

1. 仔細審題

寫作扣題係最基本條件,如果唔小心離題,分數可能只係僅僅及格甚至唔合格。所以寫作之前一定要仔細審題,圈出題目的關鍵詞,並確保接下來嘅作文都要緊扣依幾個關鍵詞,千奇唔好離題。

2. 選擇適合自己嘅作文文體

建議同學係中四嘅時候已經可以選擇好適合自己嘅作文文體,有啲人可能會比較擅長寫抒情文,有啲人可能比較擅長寫議論文,要先清楚了解自己較擅長寫咩文體,係接下來嘅三年內就可以主攻抒情文/議論文,不必花費太多時間去操練其他文體嘅題目。

3. 預先準備故事內容

建議同學係考 DSE 之前已經可以準備好唔同主題嘅故事內容,例如(親情/友誼/生死/夢想)等不同主題的故事情節,當見到題目同自己準備好嘅故事有吻合嘅地方,就可以即刻套返落去。因為考 DSE 作文時間緊迫,唔會再有時間比同學慢慢諗情節,所以同學應該係考試前已經諗好不同主題的故事。例如小編係 DSE 前準備左作者係醫生,對抗今次肺炎疫情嘅經歷,而恰巧 2020  DSE 題目係微笑以對,咁就可以將醫生對抗疫情嘅刻苦經歷,仍可微笑以對套返落去。因此,只係將原有構思好嘅故事,改少少內容扣題,已經可以開始寫作。

4. 故事內容特別

若要在作文中取高分,突圍而出,定要比其他同學有優勝之處,而關鍵之處就係題材和帶出道理要特別。例如曾經有 DSE 題目係講述沒有手機的一天,相信大部分同學第一時間都會諗到帶出嘅道理係放下手機,多關心身邊事。相反,小編作嘅係覺得沒有手機嘅一天感到好孤獨,只有自己隻身一人,但帶出嘅道理係唔係沒有手機所以孤獨,而係手機拉遠了我們與他人嘅距離,才感孤獨,所以只有與身邊人聯繫,才能解決孤獨感。而題材方面,一些關於生死或職業嘅題材,帶出嘅道理或者人生層次亦更高尚,所以亦會令人眼前一亮。所以,一些較為特別嘅題材又有意義嘅道理,區分了與其他同學嘅作品,在眾多文章中可以吸引考官注意,更容易攞高分。

5. 故事內容反差

故事內容嘅反差可更提升文章道理嘅深化。每一篇文章都會有道理帶出,而要作者真係領會道理並透過文字抒發,首先親身體驗最為重要,所以文章可由第一人稱來敘述;而一篇故事內容嘅反差可以係作者又一開始做得唔好變好。例如,作者一開始都係一個唔體恤父母,不懂他們的用意,但後來經過某些事情後發現父母的用心良苦,最後明白一些道理並改過。相比起平平無奇地領略道理,作者親身做錯事再知錯,能更深刻帶出道理,深化主題。

想拔尖補底、操卷應試還是想追返學校進度?Tutor Panda 有+10,000 名三大 5** 私人補習老師,心動不如行動,即刻搵一個合心水既私補導師上門補習

 

學依家就登記,揾一個適合自己既補習老師

 

BANNER_Promotion

緊貼 Tutor Panda  Facebook 、 Instagram

 

中文補習

Scroll to Top